گرشاہِ دو عالم کے سہارے نہیں ہوتے
امت کے بھی یوں وارے نیارے نہیں ہوتے
Gar Shah-e-Do Alam ke sahare nahi hote
Ummat ke bhi yun ware nyare nahi hote
پھر چاند کہاں ٹوٹ کے جڑتا مرے آقا
گر آپ کی انگلی کے اشارے نہیں ہوتے
Phir chand kahan toot ke jurta mere aaqa
Gar aap ki ungli ke ishare nahi hote
سرکار کی نگری کا بیاں حسن ہو کیسے
ایسے تو کہیں اور نظارے نہیں ہوتے
Sarkar ki nagri ka bayan husn ho kaise
Aise to kahin aur nazare nahi hote
جی جان فدا کر دے جو حرمت پہ نبی کے
اس پیار کے سودے میں خسارے نہیں ہوتے
Ji jaan fida kar de jo hurmat pe Nabi ke
Is pyar ke saude mein khasare nahi hote
اے شاہِ اُمم دَر پہ بلا لیجیے خدارا!
اب دور مدینے سے گزارے نہیں ہوتے
Ae Shah-e-Umam dar pe bula leejie khudara!
Ab door Madine se guzare nahi hote
محشر میں نہ ہو سکتی گنہ گار کی بخشش
گر سیدِ ابرار ہمارے نہیں ہوتے
Mahshar mein na ho sakti gunahgar ki bakhshish
Gar Syed-e-Abrar hamare nahi hote
ملتی نہ اگر نور کی خیرات فلک کو
یہ شمس و قمر اور ستارے نہیں ہوتے
Milti na agar noor ki khairat falak ko
Yeh shams o qamar aur sitare nahi hote
اے ناز کرم ہم پہ ہے محبوبِ خدا کا
ورنہ تو حسیں بخت ہمارے نہیں ہوتے
Ae naz karam hum pe hai Mehboob-e-Khuda ka
Warna to haseen bakht hamare nahi hote
Share This Naat
Share with friends and family
گرشاہِ دو عالم کے سہارے نہیں ہوتے
صفیہ ناز