غلاموں پر محمد کی عنایت ہوتی رہتی ہے
کرم فرماتے رہتے ہیں زیارت ہوتی رہتی ہے
Ghulamon par Muhammad ki inayat hoti rahti hai
Karam farmate rahte hain ziarat hoti rahti hai
عبادت ہے تلاوت مصحف روئے مبارک کی
تلاوت کرتے رہتے ہیں عبادت ہوتی رہتی ہے
Ibadat hai tilawat mus'haf roye mubarak ki
Tilawat karte rahte hain ibadat hoti rahti hai
مجھے تسلیم اے واعظ برا ہوں میں بہت لیکن
بروں پر بھی مرے آقا کی رحمت ہوتی رہتی ہے
Mujhe tasleem ae wa'iz bura hon main bohot lekin
Buron par bhi mere aaqa ki rehmat hoti rahti hai
بدست خواجہ و داتا بدست شاه لاثانی
نبی کے نام پر ہر دم سخاوت ہوتی رہتی ہے
Badast khwaja o daata badast shah lasani
Nabi ke naam par har dam sakhaawat hoti rahti hai
حبیب کبریا کے سبز گنبد کے حسین جلوے
نگاہیں تکتی رہتی ہیں عبادت ہوتی رہتی ہے
Habib e Kibriya ke sabz gumbad ke haseen jalwe
Nigaahen takti rahti hain ibadat hoti rahti hai
عمل سے ہیں تہی داماں مگر ہیں اس پہ ہم نازاں
مرے آقا کی ہر عاصی پہ رحمت ہوتی رہتی ہے
Amal se hain tehi daaman magar hain is pe hum nazaan
Mere aaqa ki har aasi pe rehmat hoti rahti hai
نبی کا نام لینے میں حلاوت ہی حلاوت ہے
مرے ہونٹوں کو حاصل یہ حلاوت ہوتی رہتی ہے
Nabi ka naam lene mein halawat hi halawat hai
Mere honthon ko haasil yeh halawat hoti rahti hai
حضوری کا شرف مجھ کو بھی حاصل ہوتا رہتا ہے
مرے لج پال آقا کی عنایت ہوتی رہتی ہے
Huzoori ka sharaf mujh ko bhi haasil hota rehta hai
Mere laj paal aaqa ki inayat hoti rahti hai
سعادت ہی سعادت ہے نبی کا ذکر کرنے میں
مجھے ہر آن یہ حاصل سعادت ہوتی رہتی ہے
Sa’adat hi sa’adat hai Nabi ka zikr karne mein
Mujhe har aan yeh haasil sa’adat hoti rahti hai
نیازی کوئی اندازہ کرے کیا ان کی رحمت کا
گنہ گار آتے رہتے ہیں شفاعت ہوتی رہتی ہے
Niazi koi andaza kare kya un ki rehmat ka
Guneh gar aate rahte hain shafa'at hoti rahti hai
Share This Naat
Share with friends and family
غلاموں پر محمد کی عنایت ہوتی رہتی ہے
عبدالستار نیازی