غَم ِ شہادتِ شبیّر کی گواہی دے
مِرے قَلم کو بھی اے خُونِ دِل سیاہی دے
Gham-e-shahadat-e-shabbir ki gawahi de
Mire qalam ko bhi ae khoon-e-dil siyahi de
فرات نے نہ دیا دیں کے لال کو پانی
پلاؤ آنسوؤ اُس کے خیال کو پانی
Furat ne na diya deen ke laal ko pani
Pilaao aansuoo us ke khayaal ko pani
جو ہاتھ مشعلِ خَیْرُ البَشَر لِیے نِکلا
اندھیرا، اُس کا ہی نیزے پہ سَر لِیے نِکلا
Jo hath mashal-e-khair-ul-bashar liye nikla
Andhera, us ka hi neze pe sar liye nikla
اُسی کی رَگ پہ چلی تیغ شمرِ بے حِس کی
طنابِ خیمہء حق تھی ہر اِک صدا جس کی
Usi ki rag pe chali tegh shimir-e-be-his ki
Tanab-e-khema-e-haq thi har ik sada jis ki
ہر ایک سانس تھی جِس کی پناہ گاہِ حَرم
اُسی کو کاٹ کے گُزری ہے شاہراہِ حرم
Har aik saans thi jis ki panah gah-e-haram
Usi ko kaat ke guzri hai shahr-e-haram
گڑی تھی جس کے بدن میں یزیدیت کی اَنی
اُسی کے خُون کی لَو دین کا ستون بنی
Gari thi jis ke badan mein yazidiyat ki ani
Usi ke khoon ki low deen ka sutoon bani
کیا تھا قتل جسے شام کے علاقوں میں
وہی چراغ جلا آندھیوں کے طاقوں میں
Kiya tha qatl jise shaam ke ilaqon mein
Wahi charagh jala aandhiyon ke taaqon mein
گلے کے بل جو مظفّر وفا کی راہ چلا
اسی کے دم سے یہ دستورِ لا اِلٰہ چلا
Gale ke bal jo muzaffar wafa ki raah chala
Usi ke dam se yeh dastoor-e-la ilah chala
Share This Naat
Share with friends and family
غَم ِ شہادتِ شبیّر کی گواہی دے
مظفر وارثی