فاصلے جتنے ہیں سرکار مٹائیں گے ضرور
ہم مدینے میں مچلتے ہوئے جائیں گے ضرور
Faasle jitne hain sarkar mitayein ge zarur
Hum Madine mein machalte hue jaayein ge zarur
دل دھڑکتا ہے تو محسوس یہی ہوتا ہے
میرے سرکارؐ مری بگڑی بنائیں گے ضرور
Dil dhadakta hai to mehsoos yehi hota hai
Mere sarkar (SAW) meri bigri banayein ge zarur
اس یقیں پر ہی مرے دل نے پکارا ہے انہیں
لاج والے ہیں وہ امداد کو آئیں گے ضرور
Is yaqeen par hi mere dil ne pukara hai unhein
Laj wale hain wo imdad ko aayein ge zarur
لاکھ بدکار و خطا کار و سزاوار سہی
دیکھنا پھر بھی وہ دامن میں چھپائیں گے ضرور
Laakh badkar o khata kar o saza war sahi
Dekhna phir bhi wo daman mein chupaein ge zarur
دور جو ان کو سمجھتے ہیں رہیں گے محروم
ہم تو سرکارؐ سے جو مانگیں گے وہ پائیں گے ضرور
Dur jo unko samajhte hain rahein ge mehroom
Hum to sarkar (SAW) se jo maangein ge wo paaayein ge zarur
چھوڑ دو انکے سہارے پہ سفینہ اپنا
بڑے لجپال ہیں وہ پار لگا ئیں گے ضرور
Chor do unke sahare pe safeena apna
Bade lajpale hain wo paar lagaayein ge zarur
رحمتیں جن کی بھرم رکھتی ہیں کمزوروں کا
ٹھوکریں کھا کے گریں گے تو اٹھائیں گے ضرور
Rehmaten jin ki bharam rakhti hain kamzoron ka
Thokrein kha ke girainge to uthaayein ge zarur
جی رہے ہیں اسی امیدِ کرم پہ خالدؔ
آپ آئیں گے ہمیں جلوہ دکھائیں گے ضرور
Jee rahe hain isi umeed-e-karam pe Khalid
Aap aayein ge humein jalwa dikhaayein ge zarur
Share This Naat
Share with friends and family
فاصلے جتنے ہیں سرکار مٹائیں گے ضرور
خالد محمود خالد