ایمان ہے قالِ مُصطَفائی
قرآن ہے حالِ مصطفائی
Imaan hai qaal-e-Mustafai
Quran hai haal-e-Mustafai
اللہ کی سلطنت کا دولہا
نقشِ تِمْثالِ مصطفائی
Allah ki saltanat ka dolha
Naqsh-e-timthaal-e-Mustafai
کُل سے بالا رُسل سے اَعلیٰ
اِجْلال و جلالِ مصطفائی
Kul se bala rusul se aala
Ijlaal o jalaal-e-Mustafai
اَصحاب نُجومِ رہنما ہیں
کشتی ہے آلِ مصطفائی
Ashab-e-nujoom-e-rehnuma hain
Kashti hai Aali Mustafai
اِدبار سے تو مجھے بچالے
پیارے اِقبالِ مصطفائی
Idbaar se tu mujhe bacha le
Pyare Iqbal-e-Mustafai
مُرْسَل مُشتاقِ حق ہیں اور حق
مشتاق وصالِ مصطفائی
Mursal mushtaaq-e-haq hain aur haq
Mushtaaq-e-wisaal-e-Mustafai
خواہانِ وصالِ کِبریا ہیں
جُویانِ جمالِ مصطفائی
Khahan-e-wisaal-e-Kibriya hain
Juyaan-e-jamaal-e-Mustafai
محبوب و محب کی مِلک ہے ایک
کَونَین ہیں مالِ مصطفائی
Mahboob o muhib ki milk hai aik
Kawnain hain maal-e-Mustafai
اللہ نہ چھوٹے دستِ دل سے
دامانِ خیالِ مصطفائی
Allah na chhute dast-e-dil se
Damaan-e-khayaal-e-Mustafai
ہیں تیرے سپرد سب امیدیں
اے جُود و نَوالِ مصطفائی
Hain tere supurd sab umeedein
Ae jood o nawaal-e-Mustafai
روشن کر قبر بیکسوں کی
اے شمعِ جمالِ مصطفائی
Roshan kar qabar beyxon ki
Ae shama-e-jamaal-e-Mustafai
اندھیر ہے بے تِرے مِرا گھر
اے شمعِ جمالِ مصطفائی
Andher hai be tere mera ghar
Ae shama-e-jamaal-e-Mustafai
مجھ کو شبِ غم ڈرا رہی ہے
اے شمعِ جمالِ مصطفائی
Mujh ko shab-e-gham dara rahi hai
Ae shama-e-jamaal-e-Mustafai
آنکھوں میں چمک کے دل میں آجا
اے شمعِ جمالِ مصطفائی
Aankhon mein chamak ke dil mein aaja
Ae shama-e-jamaal-e-Mustafai
میری شبِ تار دن بنا دے
اے شمعِ جمالِ مصطفائی
Meri shab-e-taar din bana de
Ae shama-e-jamaal-e-Mustafai
چمکا دے نصیبِ بد نصیباں
اے شمعِ جمالِ مصطفائی
Chamka de naseeb-e-bad naseeban
Ae shama-e-jamaal-e-Mustafai
قَزّاق ہیں سر پہ راہ گم ہے
اے شمعِ جمالِ مصطفائی
Qazzaaq hain sar pe raah gum hai
Ae shama-e-jamaal-e-Mustafai
چھایا آنکھوں تلے اندھیرا
اے شمعِ جمالِ مصطفائی
Chhaya aankhon tale andhera
Ae shama-e-jamaal-e-Mustafai
دل سرد ہے اپنی لو لگا دے
اے شمعِ جمالِ مصطفائی
Dil sard hai apni lo laga de
Ae shama-e-jamaal-e-Mustafai
گھنگھورگھٹائیں غم کی چھائیں
اے شمعِ جمالِ مصطفائی
Ghanghoorghathaaein gham ki chhaain
Ae shama-e-jamaal-e-Mustafai
بھٹکا ہوں تو راستہ بتا جا
اے شمعِ جمالِ مصطفائی
Bhatka hoon to raasta bata ja
Ae shama-e-jamaal-e-Mustafai
فریاد دباتی ہے سیاہی
اے شمعِ جمالِ مصطفائی
Faryaad dabati hai siyahi
Ae shama-e-jamaal-e-Mustafai
میرے دلِ مردہ کو جلا دے
اے شمعِ جمالِ مصطفائی
Mere dil-e-murda ko jala de
Ae shama-e-jamaal-e-Mustafai
آنکھیں تری راہ تک رہی ہیں
اے شمعِ جمالِ مصطفائی
Aankhein teri raah tak rahi hain
Ae shama-e-jamaal-e-Mustafai
دکھ میں ہیں اندھیری رات والے
اے شمعِ جمالِ مصطفائی
Dukh mein hain andheri raat waale
Ae shama-e-jamaal-e-Mustafai
تاریک ہے رات غم زدوں کی
اے شمعِ جمالِ مصطفائی
Tareek hai raat gham zaddoon ki
Ae shama-e-jamaal-e-Mustafai
ہو دونوں جہاں میں منھ اُجالا
اے شمعِ جمالِ مصطفائی
Ho dono jahan mein munh ujala
Ae shama-e-jamaal-e-Mustafai
تاریکیِ گُور سے بچانا
اے شمعِ جمالِ مصطفائی
Tareeki-e-gor se bachana
Ae shama-e-jamaal-e-Mustafai
پُر نور ہے تجھ سے بزمِ عالَم
اے شمعِ جمالِ مصطفائی
Pur noor hai tujh se bazm-e-aalam
Ae shama-e-jamaal-e-Mustafai
ہم تِیرہ دلوں پہ بھی کرم کر
اے شمعِ جمالِ مصطفائی
Hum terah dilon pe bhi karam kar
Ae shama-e-jamaal-e-Mustafai
لِلّٰہ ادھر بھی کوئی پھیرا
اے شمعِ جمالِ مصطفائی
Lillah idhar bhi koi phera
Ae shama-e-jamaal-e-Mustafai
تقدیر چمک اٹھے رضاؔ کی
اے شمعِ جمالِ مصطفائی
Taqdeer chamak uthay Raza ki
Ae shama-e-jamaal-e-Mustafai
Share This Naat
Share with friends and family
ایمان ہے قالِ مُصطَفائی
احمد رضا خان بریلوی