دشمن ہے گلے کا ہار آقا
لٹتی ہے مری بہار آقا
Dushman hai gale ka haar aaqa
Latti hai meri bahaar aaqa
تم دل کے لیے قرار آقا
تم راحتِ جانِ زار آقا
Tum dil ke liye qaraar aaqa
Tum rahat-e-jaan-e-zar aaqa
تم عرش کے تاجدار مولی
تم فرش کے باوَقار آقا
Tum arsh ke tajdaar mola
Tum farsh ke bawqaar aaqa
دامن دامن ہوائے دامن
گلشن گلشن بہار آقا
Daman daman hawaaye daman
Gulshan gulshan bahaar aaqa
بندے ہیں گنہگار بندے
آقا ہے کرم شعار آقا
Banday hain gunehgaar banday
Aaqa hai karam shaar aaqa
اس شان کے ہم نے کیا کسی نے
دیکھے نہیں زِینہار آقا
Is shaan ke hum ne kya kisi ne
Deekhe nahi zeenhaar aaqa
بندوں کا اَلم نے دل دکھایا
اور ہوگئے بے قرار آقا
Bandon ka alam ne dil dukhaya
Aur hogaye be qaraar aaqa
آرام سے سوئیں ہم کمینے
جاگا کریں باوَقار آقا
Aaraam se soyen hum kamine
Jaaga kare bawqaar aaqa
ایسا تو کہیں سنا نہ دیکھا
بندوں کا اُٹھائیں بار آقا
Aisa to kahi suna na dekha
Bandon ka uthayen baar aaqa
جن کی کوئی بات تک نہ پوچھے
ان پر تمھیں آئے پیار آقا
Jin ki koi baat tak na poochhe
Un par tumhein aaye pyaar aaqa
پاکیزہ دلوں کی زینتِ اِیماں
ایمان کے تم سنگار آقا
Pakeezah dillon ki zeenat-e-eman
Eeman ke tum singaar aaqa
صدقہ جو بٹے کہیں سلاطیں
ہم بھی ہیں امیدوار آقا
Sadaqa jo batte kahin sulateen
Hum bhi hain ummeedwaar aaqa
چکرا گئی ناؤ بے کسوں کی
آنا مِرے غمگسار آقا
Chakra gayi nao be kason ki
Aana mere ghamgusar aaqa
اللہ نے تم کو دے دیا ہے
ہر چیز کا اختیار آقا
Allah ne tum ko de diya hai
Har cheez ka ikhtiyaar aaqa
ہے خاک پہ نقشِ پا تمہارا
آئینۂ بے غبار آقا
Hai khaak pe naqsh-e-pa tumhara
Aaeena-e-be ghubaar aaqa
عالم میں ہیں سب بنی کے ساتھی
بگڑی کے تمہیں ہو یار آقا
Aalam mein hain sab bani ke sathi
Bigdi ke tumhein ho yaar aaqa
سرکار کے تاجدار بندے
سرکار ہیں تاجدار آقا
Sarkar ke tajdaar banday
Sarkar hain tajdaar aaqa
دے بھیک اگر جمالِ رنگیں
جنت ہو مرا مزار آقا
De bheek agar jamaal-e-rangin
Jannat ho mera mazaar aaqa
آنکھوں کے کھنڈر بھی اب بسا دو
دل کا تو ہوا وقار آقا
Aankhon ke khandar bhi ab basa do
Dil ka to hua waqaar aaqa
ایمان کی تاک میں ہے دشمن
آؤ دَمِ اِحتضار آقا
Eeman ki taak mein hai dushman
Aao dam-e-ihtizaaar aaqa
ہو شمعِ شبِ سیاہ بختاں
تیرا رُخِ نور بار آقا
Ho shama-e-shab-e-siyaah bakhtaan
Tera rukh-e-noor baar aaqa
تو رحمت بے حساب کو دیکھ
جرموں کا نہ لے شمار آقا
To rehmat be hisaab ko dekh
Jurmoun ka na le shumaar aaqa
دیدار کی بھیک کب بٹے گی
منگتا ہے امیدوار آقا
Deedaar ki bheek kab bate gi
Mangta hai ummeedwaar aaqa
بندوں کی ہنسی خوشی میں گزرے
اس غم میں ہوں اَشکبار آقا
Bandon ki hansi khushi mein guzray
Is gham mein hoon ashk baar aaqa
آتی ہے مدد بلا سے پہلے
کرتے نہیں انتظار آقا
Aati hai madad bila se pehle
Karte nahi intezaar aaqa
سایہ میں تمہارے دونوں عالم
تم سایۂ کردگار آقا
Saaya mein tumhare dono aalam
Tum saaya-e-kirdgaar aaqa
جب فوجِ اَلم کرے چڑھائی
ہو اَوجِ کرم حصار آقا
Jab fouj-e-alam kare charhai
Ho awj-e-karam hisaar aaqa
ہر مِلکِ خدا کے سچے مالک
ہر مُلک کے شہریار آقا
Har milk-e-khuda ke sache maalik
Har mulk ke shehriyaar aaqa
مانا کہ میں ہوں ذلیل بندہ
آقا تو ہے با وقار آقا
Maana ke mein hoon zaleel banda
Aaqa to hai bawaaqaar aaqa
ٹوٹے ہوئے دل کو دو سہارا
اب غم کی نہیں سہار آقا
Toote huay dil ko do sahaara
Ab gham ki nahi sahaar aaqa
ملتی ہے تمہیں سے داد دل کی
سنتے ہو تمہیں پکار آقا
Milti hai tumhein se daad dil ki
Sunte ho tumhein pukaar aaqa
تیری عظمت وہ ہے کہ تیرا
اللہ کرے وقار آقا
Teri azmat woh hai ke tera
Allah kare waqaar aaqa
اللہ کے لاکھوں کارخانے
سب کا تمہیں اختیار آقا
Allah ke laakhon kaarkhaane
Sab ka tumhein ikhtiyaar aaqa
کیا بات تمہارے نقش پا کی
ہے تاجِ سرِ وقار آقا
Kya baat tumhaare naqsh-e-pa ki
Hai taj-e-sar-e-waqaar aaqa
خود بھیک دو خود کہو بھلا ہو
اس دَین کے میں نثار آقا
Khud bheek do khud kaho bhala ho
Is den ke mein nisaar aaqa
وہ شکل ہے وہ ادا تمہاری
اللہ کو آئے پیار آقا
Woh shakal hai woh ada tumhari
Allah ko aaye pyaar aaqa
جو مجھ سے مجھے چھپائے رکھے
وہ جلوہ کر آشکار آقا
Jo mujh se mujhe chhupaye rakhe
Woh jalwa kar aashkaar aaqa
جو کہتے ہیں بے زباں تمہارے
گونگوں کی سنو پکار آقا
Jo kehte hain be zabaan tumhare
Goongon ki suno pukaar aaqa
وہ دیکھ لے کربلا میں جس نے
دیکھے نہ ہوں جاں نثار آقا
Woh dekh le karbala mein jis ne
Dekhe na hon jaan nisaar aaqa
آرام سے شش جہت میں گزرے
غم دل سے نہ ہو دو چار آقا
Aaraam se shash jehat mein guzray
Gham dil se na ho do chaar aaqa
ہو جانِ حسنؔ نثار تجھ پر
ہو جاؤں تِرے نثار آقا
Ho jaan-e-hasan nisaar tujh par
Ho jaun tere nisaar aaqa
Share This Naat
Share with friends and family
دشمن ہے گلے کا ہار آقا
حسن رضا خان