دلبر میرے دلدار ہی عثمان غنی ہیں
تسکین اور قرار ہی عثمان غنی ہیں
Dilbar mere dildar hi Usman Ghani hain
Taskeen aur qarar hi Usman Ghani hain
دو نور، نور والے نبی سے جسے ملے
یکتا وہ تاجدار ہی عثمان غنی ہیں
Do noor, noor walay Nabi se jise mile
Yakta woh tajdar hi Usman Ghani hain
دن بھر انہی کے قرب میں رہ کر پھررات بھر
بے چین و بے قرار ہی عثمان غنی ہیں
Din bhar inhi ke qurb mein reh kar phir raat bhar
Be chain o be qarar hi Usman Ghani hain
سب کچھ لٹا کے راہ خدا میں جو دیکھئے
قدموں پہ پھر نثار ہی عثمان غنی ہیں
Sab kuch luta ke rah e Khuda mein jo dekhiye
Qadmoun pe phir nisaar hi Usman Ghani hain
جنت خریدتے ہیں جو آقا سے بار بار
بے مثل خریدار ہی عثمان غنی ہیں
Jannat khareedte hain jo aaqa se baar baar
Be misl khareedaar hi Usman Ghani hain
جن سے ملائکہ بھی خدا کے کریں حیا
بے مثل باوقار ہی عثمان غنی ہیں
Jin se malaa'ikah bhi Khuda ke karen haya
Be misl bawqaar hi Usman Ghani hain
ہرگز قریب آئے گا کوئی نہ رنجم و غم
عابد کے غمگسار ہی عثمان غنی ہیں
Hargiz qareeb aayega koi na ranjm o gham
Abid ke ghamgusar hi Usman Ghani hain
Share This Naat
Share with friends and family
دلبر میرے دلدار ہی عثمان غنی ہیں
محمد عابد علی عطاری