دل سے تڑپ کے نکلیں صدائیں مرے نبی
فرقت کی چل رہی ہیں ہوائیں مرے نبی
Dil se tarap ke niklein sadaain mere Nabi
Furqat ki chal rahi hain havaain mere Nabi
پیغام دے کے اذنِ ملاقاتِ دل نشیں
میری طرف "پرندہ" اڑائیں مرے نبی
Paigaam de ke azn-e mulaqat-e dil nasheen
Meri taraf "Parinda" urain mere Nabi
اپنے لبوں سے چوموں گا دہلیزِ مصطفٰی
اک بار اپنے در پہ بلائیں مرے نبی
Apne labon se choomon ga dehleez-e Mustafa
Ek baar apne dar pe bulain mere Nabi
جاری ہو مجھ پہ خوابِ زیارت کا سلسلہ
فرقت نصیب دیکھے عطائیں مرے نبی
Jaari ho mujh pe khwab-e ziarat ka silsila
Furqat naseeb dekhein atain mere Nabi
کوثر کے جام پی لوں عنایت ہوں آپ سے
تشنہ لبوں پہ برسیں گھٹائیں مرے نبی
Kausar ke jaam pi loon inayat hon aap se
Tishna labon pe baresin ghataain mere Nabi
نعلین پر دھروں گا میں فرطِ قلق میں سر
شفقت سے میرے سر کو اٹھائیں مرے نبی
Na'layn par dharoon ga main fart-e qalaq mein sar
Shafqat se mere sar ko uthain mere Nabi
اے کاش مڑ کے آؤں مدینہ دیار سے
یادیں مجھے بھی آ کے ، رلائیں مرے نبی
Ae kaash mur ke aaoon Medina diyar se
Yaadein mujhe bhi aa ke, rulain mere Nabi
قائم کو سبز کرنیں ہوں خضرٰی سے اب عطا
قسمت کو ایسا دن بھی دکھائیں مرے نبی
Qaim ko sabz kiranin hon Khizra se ab ata
Qismat ko aisa din bhi dikhain mere Nabi
Share This Naat
Share with friends and family
دل سے تڑپ کے نکلیں صدائیں مرے نبی
سید حب دار قائم