دل کا تو ہی قرار ہے آقاؐ
تو ہی جانِ بہار ہے آقاؐ
Dil ka tu hi qarar hai Aaqa ﷺ
Tu hi jaan-e-bahar hai Aaqa ﷺ
تیرے طیبہ نگر کے کیا کہنے
حسن کا شاہکار ہے آقاؐ
Tere Taiba nagar ke kya kehne
Husn ka shahkar hai Aaqa ﷺ
سائلِ در کو ناز ہے جس پر
وہ ترا ہی دیار ہے آقاؐ
Sail-e-dar ko naaz hai jis par
Woh tera hi dayar hai Aaqa ﷺ
دشمنِ جاں کے واسطے بھی دُعا
یہ ترا ہی شعار ہے آقاؐ
Dushman-e-jaan ke waaste bhi dua
Yeh tera hi shiar hai Aaqa ﷺ
دیکھ کر تیری سیرتِ طائف
درد بھی اشک بار ہے آقاؐ
Dekh kar teri seerat-e-Taaif
Dard bhi ashk baar hai Aaqa ﷺ
بات لفظوں سے کیا بنے میری
جب عمل داغ دار ہے آقاؐ
Baat lafzon se kya bane meri
Jab amal dagh daar hai Aaqa ﷺ
عزتیں رب انہی کو دیتا ہے
آپؐ سے جن کو پیار ہے آقاؐ
Izzatien Rab inhi ko deta hai
Aap ﷺ se jin ko pyaar hai Aaqa ﷺ
دیکھ کر آپؐ کی عطائوں کو
دل بہت شرمسار ہے آقاؐ
Dekh kar aap ﷺ ki ataa'oon ko
Dil bohot sharmasaar hai Aaqa ﷺ
رب کا عاشق تجھے حبیب کرے
حکمِ پروردگار ہے آقاؐ
Rab ka aashiq tujhe Habeeb kare
Hukm-e-Parwardigar hai Aaqa ﷺ
تیری نظروں میں شوکتِ دُنیا
کس قدر بے وقار ہے آقاؐ
Teri nazron mein shaukat-e-duniya
Kis qadar be-waqar hai Aaqa ﷺ
زیرِ نعلین پاک ذروں پر
ہر بلندی نثار ہے آقاؐ
Zer-e-na'lein paak zarron par
Har bulandi nisaar hai Aaqa ﷺ
تیری تقلید اصل نورِ حیات
باقی سب کچھ غبار ہے آقاؐ
Teri taqleed asal noor-e-hayat
Baaki sab kuch ghubaar hai Aaqa ﷺ
نظرِ رحمت کریں غلاموں پر
آپ کو اختیار ہے آقاؐ
Nazar-e-Rehmat karein ghulamon par
Aap ko ikhtiyar hai Aaqa ﷺ
ہو کسی شب شکیلؔ پر بھی کرم
اِس کو بھی انتظار ہے آقاؐ
Ho kisi shab Shakeelؔ par bhi karam
Is ko bhi intezaar hai Aaqa ﷺ
Share This Naat
Share with friends and family
دل کا تو ہی قرار ہے آقاؐ
محمد شکیل نقشبندی