درختوں پہ ہریالی آئی کہاں سے
نظر آئے صحرا میں پودے جواں سے
Darakhton pe haryali aayi kahan se
Nazar aaye sehraa mein poday jawaa se
یہ سبزہ زمیں پر، یہ دریا میں پانی
ذرا سوچو لوگو! یہ آئے کہاں سے
Yeh sabza zameen par, yeh darya mein paani
Zara socho logo! yeh aaye kahan se
زمیں گھومتی ہے یہ کس کی لگن میں
ثنا کس کی کرتی ہے اپنی زباں سے
Zameen ghoomti hai yeh kis ki lagan mein
Sana kis ki karti hai apni zabaan se
نشانی ہے کس کی، جو پودے ہیں خود رو
لگائے ہیں کانٹوں میں گل بھی جواں سے
Nishani hai kis ki, jo poday hain khud ro
Lagaaye hain kaanton mein gul bhi jawaa se
کرم سے اُسی کے یہ سانسیں رواں ہیں
کہاں کوئی باہر ہے اُس کی اماں سے
Karam se usi ke yeh sansain rawaan hain
Kahan koi baahar hai us ki amaan se
یہ حمدِ خدا سب سے افضل ہے بے شک
پکارے فرشتے سبھی آسماں سے
Yeh hamd-e-Khuda sab se afzal hai be shak
Pukare farishte sabhi aasmaan se
ہو توصیف رب کی یہ ممکن نہیں ہے
سُنی حمد اعلا نبیﷺ کی زباں سے
Ho tauseef Rab ki yeh mumkin nahi hai
Suni hamd aala Nabi ﷺ ki zabaan se
جو طاعت میں رب کی ہمیشہ رہا ہے
وہی سرخ رو ہوکے گزرا جہاں سے
Jo ta'at mein Rab ki hamesha raha hai
Wohi surkh-ro hokay guzra jahaan se
ہوئے خواب محفوظ سارے فرشتے
حرم جھوم اٹھا بلالی اذاں سے
Hue khwab mehfooz saare farishte
Haram jhoom utha bilaali azaan se
مواجہ پہ اُن کے کھڑا رورہا ہوں
کہا میں نے کچھ بھی نہ اپنی زباں سے
Muwajah pe un ke khada ro raha hoon
Kaha maine kuch bhi na apni zabaan se
یہ دورِ خزاں ہوگا رخصت تو اِک دن
بہاریں پھر آئیں گی اِک دن وہاں سے
Yeh dor-e-khazaan hoga rukhsat to ik din
Baharein phir aayengi ik din wahan se
کریں غور طاہرؔ ذرا موسموں پر
سبق ہم کو ملتا ہے دورِ خزاں سے
Karein ghaur Tahir zara mosamon par
Sabaq hum ko milta hai dor-e-khazaan se
Share This Naat
Share with friends and family
درختوں پہ ہریالی آئی کہاں سے
طاہر سلطانی