چن مُکھ عربی دلبر دا
ویکھ جہنوں سینہ ٹھر دا
Chan mukh arabi dilbar da
Vekh jahnun seenah thar da
زلف اوہدی والیل پیاری ، اکھیاں وچ مازاغ دی دھاری
موہ لئی اُس نے خلقت ساری ، جگ منگتا اُس دے در دا
Zulf ohdi waleel pyari, akhiyaan vich mazaagh di dhaari
Moh laee us ne khalqat saari, jag mangta us de dar da
جگ دا دا تا رب دا ماہی ، لہندے چڑھدے اُسدی شاہی
بن دا اوہ تقدیر الہی ، حکم ہے جو سوہنا کردا
Jag da daata rab da maahi, lehnde charhde usdi shahi
Ban da oh taqdeer elahi, hukum hai jo sohna karda
غاراں دے وچ روون والا عیب اساڈے دھوون والا
ساری رات کھلوون والا ، لکھ دُکھ ساڈے لئی جَر دا
Garaan de vich rowan wala aib asaday dhoon wala
Saari raat khaloon wala, lakh dukh saday lai jar da
اُسدے منگتے نوری ناری ، اُسدے ہتھ وچ کُل مختاری
اُسدے در تے سو سو واری ، ہے کعبہ مُجرے بھر دا
Usde mangte noori naari, usde hath vich kul mukhtaari
Usde dar te so so waari, hai kaaba mujray bhar da
منگو سارے یار دُعاواں، میں اُسدے دربار تے جاواں
ساہمنے صائم نعت سُناواں، کم بن جاوے بے پر دا
Mango saaray yaar duawan, main usde darbar te jawaan
Saahmne Saem naat sunaawan, kam ban jaave be par da
Share This Naat
Share with friends and family
چن مُکھ عربی دلبر دا ویکھ جہنوں سینہ ٹھر دا
علامہ صائم چشتی