بے مثل زلفِ ناز ہے چہرہ ہے لاجواب
میرے نبیؐ کا حسن سراپا ہے لا جواب
Be misal zulf-e-naaz hai chehra hai lajawab
Mere Nabi(ﷺ) ka husn saraapa hai lajawab
گل ہے، کلی ہے، خار ہے، غنچہ ہے لاجواب
رعنائیِ بہارِ مدینہ ہے لاجواب
Gul hai, kali hai, khar hai, ghuncha hai lajawab
Ranaai-e-bahaar-e-Madina hai lajawab
زاہد ہزار خوبیِ جنت بیاں کرے
میری نگاہِ شوق میں طیبہ ہے لاجواب
Zaahid hazaar khubiyo-e-jannat bayaan kare
Meri nigaah-e-shauq mein Taiba hai lajawab
ہے ہیچ جس کے سامنے بوئے گلِ ارم
جسمِ نبیؐ کا ایسا پسینہ ہے لاجواب
Hai hech jis ke saamne booye gul-e-Aram
Jism-e-Nabi(ﷺ) ka aisa paseena hai lajawab
انگشتری ملی ہے جو ایمان کی ہمیں
حُبِ نبیؐ کا اس میں نگینہ ہے لاجواب
Angushtari mili hai jo imaan ki hamein
Hubb-e-Nabi(ﷺ) ka is mein nageena hai lajawab
ٹھوکر میں اپنی رکھتا ہے تاجِ سکندری
کاسہ بکف بھی طیبہ کا ایسا ہے لاجواب
Thokar mein apni rakhta hai taaj-e-Sikandari
Kaasa bakaf bhi Taiba ka aisa hai lajawab
کوئی نہ کرسکے گا کبھی ان کی ہمسری
امت میں ایسی شانِ صحابہ ہے لاجواب
Koi na kar sake ga kabhi in ki humsari
Ummat mein aisi shaan-e-sahaba hai lajawab
قربان ہوکے دینِ نبیؐ کو بچا لیا
آلِ نبیؐ کا ایسا گھرانہ ہے لاجواب
Qurbaan ho ke deen-e-Nabi(ﷺ) ko bacha liya
Aal-e-Nabi(ﷺ) ka aisa gharana hai lajawab
ایمن ہو کوہِ طور ہو سب خوب ہیں مگر
احسنؔ فضائے وادیِ بطحا ہے لاجواب
Aiman ho koh-e-toor ho sab khub hain magar
Ahsan faza-e-waadi-e-Bat-ha hai lajawab
Share This Naat
Share with friends and family
بے مثل زلفِ ناز ہے چہرہ ہے لاجواب
احسن اعظمی