Manqabat
بنا جو عزم کی پہچان حق کے دیں کیلئے
بنا جو عزم کی پہچان حق کے دیں کیلئے
کریں تو کیا بھلا ہم نذر اُس حسیں کیلئے
Bana jo azm ki pehchaan haq ke deen ke liye
Karen to kya bhala hum nazar us haseen ke liye
ہے شہرہ غیرتِ دینی کا آسمانوں میں
ادائے عدل نمونہ بنی زمیں کیلئے
Hai shehra gherat-e-deeni ka aasmanon mein
Adaaye adal namoona bani zameen ke liye
تیری سیرت ترے افکار بھی لازم ٹھہرے
راہِ عرفاں کے لیے منزلِ یقیں کیلئے
Teri seerat tere afkaar bhi laazim thehre
Raah-e-irfaan ke liye manzil-e-yaqeen ke liye
معترف ہو گئے حکمت کے سبھی دانشور
مشعلِ راہ تدبر ہے سلاطیں کیلئے
Mutarif ho gaye hikmat ke sabhi danishwar
Mashal-e-raah tadabbur hai sulateen ke liye
جو شاہِ دین کی عزت کا پہرے دار رہا
جھکے ہیں سر دلِ آقاؐ کے اُس مکیں کیلئے
Jo Shah-e-Deen ki izzat ka pehre daar raha
Jhuke hain sar dil-e-Aqa ke us makeen ke liye
اُسی کے نام سے لرزا ہے کفر پر طاری
اُسی کا ذکر ہے مرہم دلِ خزیں کیلئے
Ussi ke naam se larza hai kufr par taari
Ussi ka zikr hai marham dil-e-khazin ke liye
دعائیں دِل سے ہمارے بھلا نہ کیوں نکلیں
اُس ایک دیدہ وَر و رہبر و امیں کیلئے
Duaein dil se humare bhala na kyun niklein
Us ek deedavar o rehbar o ameen ke liye
شکیلـؔ اب بھی خمیدہ ہے عظمت و حشمت
وارثِ دین ترے عزم کی جبیں کیلئے
Shakeel ab bhi khameeda hai azmat o hashmat
Waris-e-deen tere azm ki jabeen ke liye
Share This Naat
Share with friends and family
بنا جو عزم کی پہچان حق کے دیں کیلئے
محمد شکیل نقشبندی