بابِ شاہِ عرب ہے چلے آئیے
یہ جھجک بے سبب ہے چلے آئیے
Baab-e-Shah-e-Arab hai chale aaiye
Yeh jhijhak be sabab hai chale aaiye
پَرفشاں ہے یہاں رحمتِ کرِدگار
جو بھی دل میں طلب ہے چلے آئیے
Parfishaan hai yahan rehmat-e-karidgar
Jo bhi dil mein talab hai chale aaiye
رحمت و عافیت دلکشی بخششیں
یاں انوکھی ہی چھب ہے چلے آئیے
Rehmat o aafiyat dilkashi bakhshayen
Yaan anokhi hi chhab hai chale aaiye
کہہ رہی ہے فضائے حرم مرحبا
تم پہ احسانِ رب ہے چلے آئیے
Keh rahi hai faza-e-haram marhaba
Tum pe ehsaan-e-Rab hai chale aaiye
یاد کرکے گناہوں کو کیوں رُک گئے
دِل اگر بااَدب ہے چلے آئیے
Yaad karke gunahon ko kyun ruk gaye
Dil agar baa-adab hai chale aaiye
گھر بلایا ہے تم کو کریں گے عطا
اِن کا ارفع نسب ہے چلے آئیے
Ghar bulaya hai tum ko karen ge ata
In ka arfa nasab hai chale aaiye
اے مجسم خطا پیکرِ معصیت
بند انعام کب ہے چلے آئیے
Ae mujassim khata paikar-e-ma'siyat
Band in'aam kab hai chale aaiye
ہو عنایت شکیلِؔ خزیں پر شہا
اب تو یہ جاں بلب ہے چلے آئیے
Ho inayat Shakeel-eؔ Khazeen par shaha
Ab to yeh jaan balab hai chale aaiye
Share This Naat
Share with friends and family
بابِ شاہِ عرب ہے چلے آئیے
محمد شکیل نقشبندی