باعمل میرِ کاروان بھی دے
تو جو چاہے تو دوجہان بھی دے
Ba amal meer-e-karwan bhi de
Tu jo chahe to do jahan bhi de
قومِ موسیٰؑ کو تونے سلویٰ دیا
برکتوں والا ہم کو خوان بھی دے
Qoum-e-Moosa (A.S) ko tune salwa diya
Barkaton wala hum ko khwan bhi de
فاصلے ختم ہوں حرم سے مرے
مجھ کو شاہین سی اُڑان بھی دے
Faaslay khatam hon haram se mere
Mujh ko shaheen si uraan bhi de
غمزدہ بستیوں کو اے مولا
رحمتوں والا آسمان بھی دے
Ghamzada bastiyon ko ai Maula
Rehmaton wala aasmaan bhi de
مالکِ کل یہی دعا ہے مری
ہو فدا دیں پہ ایسی جان بھی دے
Malik-e-kul yahi dua hai meri
Ho fida deen pe aisi jaan bhi de
شان جو دین کی تھی ماضی میں
پھر وہی اس کو آن بان بھی دے
Shaan jo deen ki thi mazi mein
Phir wohi us ko aan baan bhi de
سُرخ رو ہو تمام عالم میں
پاک دھرتی کو ایسی شان بھی دے
Surkh roo ho tamam aalam mein
Paak dharti ko aisi shaan bhi de
جھوٹ، غیبت سے جن کو نفرت ہو
وہ زباں اور ایسے کان بھی دے
Jhoot, gheebat se jin ko nafrat ho
Woh zubaan aur aise kaan bhi de
شہرِ رحمت میں اے مرے مولا
اپنے طاہرؔ کو اِک مکان بھی دے
Sheher-e-rehmat mein ai mere Maula
Apne Taahir ko ik makaan bhi de
Share This Naat
Share with friends and family
باعمل میرِ کاروان بھی دے
طاہر سلطانی