Manqabat
عزم حسین سرِ حق ایثار اولیاء
عزم حسین سرِ حق ایثار اولیاء
یہ کار انیباء ہے کہ شہکارِ اولیاء
Azm e Hussain sar e haq eysar e auliya
Yeh kar e anbiya hai keh shahkar e auliya
سلطانِ کربلا کی حضوری میں رات دن
آراستہ ہی رہتا ہے دربارِ اولیاء
Sultan e Karbala ki hazoori mein raat din
Aarasta hi rehta hai darbar e auliya
ایک ایک سانس کیوں نہ کرامت بدوش ہو
روحِ حسینیّت ہے طرفدارِ اولیاء
Aik aik saans kyun na karamat badosh ho
Rooh e hussainiyat hai tarfdar e auliya
بے دام بکنے کے لیے بے چین ہر کوئی
واللہ کربلا ہے کہ بازارِ اولیاء
Bay daam bikne ke liye be chain har koi
Wallah Karbala hai keh bazar e auliya
آلِ نبی کی طُرفہ بہاریں نہ پوچھئے
ہر خار نینوا میں ہے گلزارِ اولیاء
Aal e Nabi ki turfa baharain na poochiye
Har khaar Ninawa mein hai gulzar e auliya
الفاظ کیا ہوں اکبر و عباس کے لیے
اس گھر کا شیر خوار ہے شہکارِ اولیاء
Alfaaz kya hon Akbar o Abbas ke liye
Is ghar ka shair khwar hai shahkar e auliya
اشعار میں مٹھاس نہ کیسے ہو اے صبیحؔ
روزِ ازل سے ہوں میں نمک خوارِ اولیاء
Ashaar mein mithaas na kaise ho aye Sabeeh
Roz e azal se hoon mein namak khwar e auliya
Share This Naat
Share with friends and family
عزم حسین سرِ حق ایثار اولیاء
سید صبیح الدین صبیح رحمانی