آساں دیاں بوٹیاں تے بور آؤندا جاندا اے
نماں نماں دل نوں سرور آؤندا جاندا اے
Aasaan diyaan bootiaan te bor aonda janda ae
Nawan nawan dil noo suroor aonda janda ae
جنہاں نے نظارہ کیتا سوہنے دے مدینے دا
اوہناں دیاں اکھیاں چہ نور آؤندا جاندا اے
Jinaan ne nazara kita sohne de Madeene da
Ohnaan diyaan akhiyan ch noor aonda janda ae
لوڑ ای نئیں رہی مینوں جام تے صراحی دی
مینوں تیرے نام دا سرور آؤندا جاندا اے
Lorr ae ni rahi mainu jaam te suraahi di
Mainu tere naam da suroor aonda janda ae
دائم الحضوری دی حضوری وچ جانا ایں
ہوش کر کملیا قصور آؤندا جاندا اے
Daaim al hazooree di hazooree vich jaana ae
Hosh kar kamliya kasoor aonda janda ae
سج دیاں دروداں دیاں جتھے وی نے محفلاں
اوتھے کملی والا وی ضرور آؤندا جاندا اے
Saj diyaan daroodaan diyaan jithe vi ne mahflan
Uthey kamli wala vi zaroor aonda janda ae
کنے دسو ریس کرنی اوس دے نصیباں دی
جیہڑا میرے سوہنے دے حضور آؤندا جاندا اے
Kine daso race karni os de naseebaan di
Jehra mere sohne de huzoor aonda janda ae
مدنی ہواواں دیاں عجب تاثیراں نیں
دل والے زخم تے انگور آؤندا جاندا اے
Madni hawaawan diyaan ajab taseeraan ne
Dil wale zakham te angoor aonda janda ae
جوش وچ سوہنے دیاں رحمتاں نوں دیکھ کے
یاد ہر اپنا قصور آؤندا جاندا اے
Josh vich sohne diyaan rehmatan noo dekh ke
Yaad har apna kasoor aonda janda ae
جدوں توں نیازی لکھی نعت سوہنے نبی دی
مینوں شعر کہن دا شعور آؤندا جاندا اے
Jadon toon Niazi likhi naat sohne Nabi di
Mainu she'r kehn da shaoor aonda janda ae
Share This Naat
Share with friends and family
آساں دیاں بوٹیاں تے بور آؤندا جاندا اے
عبدالستار نیازی