اپنے بیمار نوں دامن دی ہوا دیندے نے
آپ تقدیر زمانے دی بنا دیندے نے
Apne bimaar noon daaman di hawa daynde ne
Aap taqdeer zamane di bana daynde ne
ظلم جے کر کے کوئی جان تے آوے در تے
اوس نوں آپ خُدا کولوں چھڑا دیندے نے
Zulm je kar ke koi jaan te aave dar te
Os noon aap Khuda kolon chhuda daynde ne
حوصلہ آپ جہیا ہور ہے ملیا کس نوں
کھا کے پتھر جو زمانے نوں دُعا دیندے نے
Hausala aap jehiya hor hai miliya kis noon
Kha ke patthar jo zamane noon dua daynde ne
حشر تک کیف ابدا رہنا اے قائم دائم
جام جس نوں وی نگاہواں چوں پلا دیندے نے
Hashar tak kaif abada rehna ae qaim daaim
Jaam jis noon vi nigahawan choon pila daynde ne
آوے دشمن تے بنا لیندے نے اپنا اوہنوں
بلکہ جرماں دے نشاں تیک مٹا دیندے نے
Aave dushman te bana lainde ne apna ohnoon
Balkay jerma de nishaan teek mita daynde ne
عشق صدیق دے وانگوں اے جہناں دا سچا
مال کی جان اُہدے ناں تو لٹا دیندے نے
Ishq Siddique de waaangon ae jinnaan da sachcha
Maal ki jaan uhde naalon luta daynde ne
درد سرکار عطا کر دے جہناں نوں صائم
رومی و جامی تے اقبال بنا دیندے نے
Dard Sarkaar ata kar de jinnaan noon Saima
Rumi o Jaami te Iqbal bana daynde ne
Share This Naat
Share with friends and family
اپنے بیمار نوں دامن دی ہوا دیندے نے
علامہ صائم چشتی