اللہ دیا پیاریا محبوبا تیری دو جگ تے سلطانی ایں
تیرا فرش دے اُتے بوریا اے تیری عرش اُتے مہمانی ایں
Allah diya pyaariya mahbooba teri do jug te sultani ay
Tera farsh de ute boriya ay teri arsh ute mehmani ay
تیرے ہتھاں دا کِتے ذکر شہا کِتے تذکرہ تیریاں زلفاں دا
تیری شان چہ نعتاں پئی پڑھدی ہر اک آیت قرآنی ایں
Tere hathaan da kitay zikr shaha kitay tazkira teriyan zulfan da
Teri shan chah naatan payi parhdi har ik ayat Qurani ay
ما زاغ دا اکھیاں وچ کجلا یٰسین دے دند تے لب یوحٰی
والفجر تیرے رخسار دونویں والشمس تیری پیشانی ایں
Ma zagh da akhiyaan vich kajla Yaaseen de dand te lab yoha
Walfajr tere rukhsar donve walshams teri peshaani ay
تینوں امت دا غمخوار آکھاں تینوں نبیاں دا سردار آکھاں
تیرے در دی کیتی اے آقا جبریل جہیاں دربانی ایں
Tainu Ummat da ghamkhaar aakhan tainu Nabiyan da srdaar aakhan
Tere dar di keeti ay aaqa Jibreel jehiyan darbani ay
تیری شان بلند خیالاں توں تیری ذات ہے پاک مثالاں توں
تیری ذات صفات دے وچ آقا نہ کوئی تیرا ثانی ایں
Teri shan buland khayaalan ton teri zaat hai paak misaalan ton
Teri zaat sifaat de vich aaqa na koi tera saani ay
دم دم دم گٹھدے جاندے نے چا ہوندا اے نیازی بس ایہو
تیری نعت سناؤندیاں لنگھ جاوے جہیڑی دو دن دی زندگانی ایں
Dam dam dam ghuthtde jaandde ne cha hondaa ay Niazi bas eho
Teri naat sunaavandiyan langh jaave jehri do din di zindgaani ay
Share This Naat
Share with friends and family
اللہ دیا پیاریا محبوبا تیری دو جگ تے سلطانی ایں
عبدالستار نیازی