ایک سے ایک نئی بات مدینے دیکھی
نور کے ہالے میں ہر رات مدینے دیکھی
Ek se ek nai baat madine dekhi
Noor ke halay mein har raat madine dekhi
مچلے مچلے ہوئے جذبات مدینے دیکھے
دم بخود میں نے ہر اک ذات مدینے دیکھی
Machlay machlay hue jazbat madine dekhe
Dam bakhud mein ne har ik zaat madine dekhi
فرش والوں کے در پاک پر دیکھے ہیں، ہجوم
عرش والوں کی بھی بارات مدینے دیکھی
Farsh walon ke dar pak par dekhe hain, hajoom
Arsh walon ki bhi barat madine dekhi
لے گیا حسن تصور مجھے جب کوئے نبی
خوب رحمت بھری برسات مدینے دیکھی
Le gaya husn tasawwur mujhe jab koe nabi
Khoob rehmat bhari barsaat madine dekhi
عاصیو جان بھی جائے تو مدینے جاؤ
بنتی بخشش کی ہے خیرات مدینے دیکھی
Asiyo jaan bhi jaye to madine jao
Banti bakhshish ki hai khairat madine dekhi
یوں تو ہر شہر کی سوغاتیں ہوا کرتی ہیں
وہ کہاں ہو گی جو سوغات مدینے دیکھی
Yun to har sheher ki soghatein hua karti hain
Wo kahan ho gi jo soghat madine dekhi
سایہ گنبد خضری میں نیازی میں نے
مانگنے والوں کی بہتات مدینے دیکھی
Saya gumbad khazra mein Niazi mein ne
Mangne walon ki bahotat madine dekhi
Share This Naat
Share with friends and family
ایک سے ایک نئی بات مدینے دیکھی
عبدالستار نیازی