اے خدا! اپنے نبی کی مجھے قربت دے دے
اپنی رحمت سے تو مجھ کو یہ سعادت دے دے
Ae Khuda! Apne Nabi ki mujhe qurbat de de
Apni rehmat se tu mujh ko yeh sa'adat de de
مانگتا ہے جو کوئی اُس کو حکومت دے دے
مجھ کو مولا! تو فقط قطرئہ رحمت دے دے
Mangta hai jo koi usko hakoomat de de
Mujh ko Maula! tu faqat qatra'e rehmat de de
عمر بھر تیرا پرستار رہوں میں مولا!
اپنے محبوب کی بھی مجھ کو اطاعت دے
Umar bhar tera parastar rahun main Maula!
Apne Mehboob ki bhi mujh ko itaat de de
تیرے محبوب سے اک دعویٰ ٔ الفت ہے مجھے
میرے پیرایۂ الفت میں تو برکت دے دے
Tere Mehboob se ek da'wa-e ulfat hai mujhe
Mere peray-e ulfat mein tu barkat de de
جو گناہوں میں پھنسے ہیں مرے مولا ان کو
صدقۂ رحمتِ عالم سے ہدایت دے دے
Jo gunahon mein phanse hain mere Maula un ko
Sadqa'e Rehmat-e Aalam se hidayat de de
تیرے محبوب کے کوچے کی گدائی ہو نصیب
التجا ہے یہی دولت یہی ثروت دے دے
Tere Mehboob ke koochay ki gadaayi ho naseeb
Iltija hai yahi dolat yahi sarwat de de
قابلِ رشک بنے دونوں جہاں میں آصف
اے خدا! بہرِ نبی مجھ کو وہ قسمت دے دے
Qabil-e rashk bane dono jahan mein Asif
Ae Khuda! behr-e Nabi mujh ko woh qismat de de
Share This Naat
Share with friends and family
اے خدا! اپنے نبی کی مجھے قربت دے دے
محمد آصف قادری