اب میری نگاہوں میں تو جچتا نہیں کوئی
جیسے مرے سرکارؐ ہیں ایسا نہیں کوئی
Ab meri nigahon mein tu jachta nahi koi
Jaise mere Sarkar ﷺ hain aisa nahi koi
تم سا تو حسیں آنکھ نے دیکھا نہیں کوئی
یہ شان ِ لطافت ہے کہ سایہ نہیں کوئی
Tum sa toh husn ankh ne dekha nahi koi
Yeh shan-e-latafat hai ke sayah nahi koi
اے ظرفِ نظر دیکھ مگر دیکھ ادب سے
سرکارؐ کا جلوہ ہے تماشا نہیں کوئی
Ae zarf-e-nazar dekh magar dekh adab se
Sarkar ﷺ ka jalwa hai tamasha nahi koi
یہی تجربہ ایمان ہے اے رحمتِ عالم
فریاد تمہارے سوا سُنتا نہیں کوئی
Yahi tajurba imaan hai ae rehmat-e-aalam
Faryaad tumharay siwa sunta nahi koi
یہ طُور سے کہتی ہے ابھی تک شبِ معراج
دیدار کی طاقت ہو تو پردہ نہیں کوئی
Yeh Toor se kehti hai abhi tak shab-e-me'raj
Deedar ki taaqat ho toh parda nahi koi
وہ آنکھ جو روتی ہے غمِ عشقِ نبی میں
اس آنکھ سے رو پوش تو جلوہ نہیں کوئی
Woh ankh jo roti hai gham-e-ishq-e-nabi mein
Is ankh se ro posh toh jalwa nahi koi
سو چو تو کبھی نسبتِ رحمت کے نتائج
تسلیم کہ ہم لوگوں میں اچھا نہیں کوئی
Socho toh kabhi nisbat-e-rehmat ke nataij
Tasleem ke hum logon mein acha nahi koi
شمشیر وسیلہ ہے سپر رحمت حق ہے
سرکارؐ کی امت میں نہتا نہیں کوئی
Shamsheer waseela hai sipar rehmat-e-Haq hai
Sarkar ﷺ ki ummat mein nahata nahi koi
بیکار ہے ہر وار تیرا گردشِ دوراں
وہ ہمدم و غمخوار ہیں تنہا نہیں کوئی
Bekaar hai har waar tera gardish-e-dauraan
Woh humdum o ghamkhaar hain tanha nahi koi
اعزاز یہ حاصل ہے تو حاصل ہے زمیں کو
افلاک پہ تو گنبدِ خضریٰ نہیں کوئی
Aizaz yeh haasil hai toh haasil hai zameen ko
Aflak pe tu gumbad-e-khazra nahi koi
ہوتا ہے جہاں ذکر محمدؐ کے کرم کا
اس بزم میں محرومِ تمنا نہیں کوئی
Hota hai jahan zikr-e-Muhammad ﷺ ke karam ka
Is bazm mein mehroom-e-tamna nahi koi
درمانِ غم و درد شفائے دلِ بیمار
جز آپ کے اے جان ِ مسیحا نہیں کوئی
Darman-e-gham o dard shifa-e-dil-e-bimar
Juz aap ke ae jaan-e-Masihah nahi koi
سرکارؐ کی رحمت نے مگر خو ب نوازا
یہ سچ ہے کہ خالدؔ سا نکمّا نہیں کوئی
Sarkar ﷺ ki rehmat ne magar khoob nawaza
Yeh sach hai ke Khalid sa nikamma nahi koi
Share This Naat
Share with friends and family
اب میری نگاہوں میں تو جچتا نہیں کوئی
خالد محمود خالد