آؤ محفل میں غلامانِ رسولِ عربی
آج ہے جوش پہ فیضانِ رسولِ عربی
Aao mahfil mein ghulaman-e-rasul-e-arabi
Aaj hai josh pe faizaan-e-rasul-e-arabi
جھومتے پھرتے ہیں مستانِ رسولِ عربی
ہے مہک پر چمنستانِ رسولِ عربی
Jhoomtay phirtay hain mastan-e-rasul-e-arabi
Hai mehak par chamanistan-e-rasul-e-arabi
کیسے عشاق تھے یارانِ رسولِ عربی
اپنے سر کردیے قربانِ رسولِ عربی
Kaise ashaaq thay yaaraan-e-rasul-e-arabi
Apne sar kardiye qurbaan-e-rasul-e-arabi
ایسی وُسعت سے بچھا خوانِ رسولِ عربی
سارا عالم ہوا مہمانِ رسولِ عربی
Aisi wusat se bicha khwaan-e-rasul-e-arabi
Sara aalam hua mehmaan-e-rasul-e-arabi
کعبہ و اَرض و سما شمس و قمر حور و مَلک
ہیں سبھی تابعِ فرمانِ رسولِ عربی
Kaaba o arz o sama shams o qamar hoor o malik
Hain sabhi tabi e farmaan-e-rasul-e-arabi
حور و غلماں کی تمنا ہو نہ شوقِ جنت
جس نے دیکھا ہے بیابانِ رسولِ عربی
Hoor o ghilman ki tamanna ho na shauq-e-jannat
Jis ne dekha hai beyaabaan-e-rasul-e-arabi
اپنی قسمت پہ نہ کیوں فخر کروں لاکھوں بار
دیکھوں جب گنبدِ ایوانِ رسولِ عربی
Apni qismat pe na kyun fakhr karun laakhon baar
Dekhoun jab gunbad-e-aivaan-e-rasul-e-arabi
اُس نے اللہ کے جلوؤں کا کیا نظارہ
جس نے دیکھا رُخِ تابانِ رسولِ عربی
Us ne Allah ke jalwon ka kiya nazara
Jis ne dekha rukh-e-tabaan-e-rasul-e-arabi
اُن کی مدحت نہیں کچھ اِنس ومَلک پر موقوف
ذَرَّہ ذَرَّہ ہے ثنا خوانِ رسولِ عربی
Un ki madahat nahi kuch ins o malik par mauqoof
Zarra zarra hai sana khwaan-e-rasul-e-arabi
کس کو سرکار سے نعمت نہ ملی کون ہے وہ
جو نہیں بندۂ احسانِ رسولِ عربی
Kis ko sarkar se nemat na mili kaun hai woh
Jo nahi banda e ehsaan-e-rasul-e-arabi
رَمزِ محبوب و محب کون سمجھ سکتا ہے
حکمِ رحمٰن ہے فرمانِ رسولِ عربی
Ramz e mehboob o mohib kaun samajh sakta hai
Hukum-e-rehman hai farmaan-e-rasul-e-arabi
قبر و محشر کا انہیں غم ہی نہیں کچھ اَصلاً
جن کے ہاتھوں میں ہے دامانِ رسولِ عربی
Qabar o mahshar ka unhein gham hi nahi kuch aslan
Jin ke haathon mein hai daaman-e-rasul-e-arabi
ان کا بندہ ہوا اللہ کا محبوب بنا
صاف فرماتا ہے قرآنِ رسولِ عربی
Un ka banda hua Allah ka mehboob bana
Saaf farmata hai quran-e-rasul-e-arabi
تیرہ بختوں کے مقدر کو ذرا چمکا دے
اے ضیائے دُرِ دَندانِ رسولِ عربی
Terah bakhton ke muqaddar ko zara chamka de
Ae diyaaye dur-e-dandan-e-rasul-e-arabi
دِین و دُنیا کی مُیَسَّر ہوئی اُن کو شاہی
جو ہوئے دِل سے گدایانِ رسولِ عربی
Deen o duniya ki muyassar hui un ko shahi
Jo huay dil se gadayaan-e-rasul-e-arabi
چھوڑ کر سلطنتیں ا ن کے بنے خاک نشیں
آفریں باد فقیرانِ رسولِ عربی
Chhod kar saltanatein un ke banay khaak nasheen
Aafreen baad faqeeran-e-rasul-e-arabi
رُوبرو مثلِ کفِ دَست ہیں دونوں عالم
کیسی پرنور ہیں چشمانِ رسولِ عربی
Roobaru misl-e-kaf-e-dast hain dono aalam
Kaisi purnoor hain chashmaan-e-rasul-e-arabi
بادۂ حب نبی خوب جمائی رنگت
ہوگئے مست غلامانِ رسولِ عربی
Baada e hub nabi khoob jamai rangat
Hogaye mast ghulaman-e-rasul-e-arabi
چشمِ دِل گورِ غریباں کو منوّر کردے
میں فدا شمعِ شبستانِ رسولِ عربی
Chashm-e-dil gor-e-ghuraba ko munawwar karde
Main fida shama-e-shabistan-e-rasul-e-arabi
قبر میں جب کہ نکیرین کریں مجھ سے سوال
میں کہوں بندۂ دَربانِ رسولِ عربی
Qabar mein jab ke nakeerin karein mujh se sawal
Main kahun banda-e-darban-e-rasul-e-arabi
داخلِ خلد کیے جائیں گے اَہلِ عصیاں
جوش پر آئے گی جب شانِ رسولِ عربی
Daakhil-e-khald kiye jaayenge ahl-e-isyaan
Josh par aaye gi jab shaan-e-rasul-e-arabi
فاتحِ بابِ شفاعت کے سبب حکم ملا
جائیں جنت میں گدایانِ رسولِ عربی
Fateh-e-baab-e-shafaat ke sabab hukum mila
Jaayein jannat mein ghadayaan-e-rasul-e-arabi
یاالٰہی یہ دعا ہے کہ بروزِ محشر
سر پہ ہو سایۂ دامانِ رسولِ عربی
Ya ilahi yeh dua hai ke baroz-e-mahshar
Sar pe ho saya-e-daaman-e-rasul-e-arabi
اے جمیلِؔ رضوی تیری حقیقت کیا ہے
جب خدا خود ہے ثنا خوانِ رسولِ عربی
Ae Jameel Razvi teri haqeeqat kya hai
Jab Khuda khud hai sana khwaan-e-rasul-e-arabi
یہ رضا کا ہے تصدق کہ جمیلِؔ رضوی
ہوا مشہور ثناخوانِ رسولِ عربی
Yeh Raza ka hai tasadduq ke Jameel Razvi
Hua mashhoor sana khwaan-e-rasul-e-arabi
ہاں سنا کوئی غزل اَور جمیلؔ رضوی
کہ ہیں مشتاق محبانِ رسولِ عربی
Haan suna koi ghazal aur Jameel Razvi
Ke hain mushtaaq mehban-e-rasul-e-arabi
Share This Naat
Share with friends and family
آؤ محفل میں غلامانِ رسولِ عربی
جمیل الرحمن قادری