عالمِ کل پہ کرم رب کا سوا ہوتا ہے
ہاں مگر حقِ خدا کس سے ادا ہوتا ہے
Alam-e-kul pe karam rab ka sawa hota hai
Haan magar haq-e-Khuda kis se ada hota hai
چاہتا جو ہے وہی ہوتا ہے لوگو، ورنہ
رب کی مرضی کے سوا دہر میں کیا ہوتا ہے
Chahta jo hai wohi hota hai logo, warna
Rab ki marzi ke siwa dahr mein kya hota hai
نکہت و نور مرے گھر میں چلے آتے ہیں
جس گھڑی لب پہ مرے ذکرِ خدا ہوتا ہے
Nikat o noor mere ghar mein chale aate hain
Jis ghari lab pe mere zikar-e-Khuda hota hai
چل نہیں سکتا وہاں حملۂ شیطاں ہرگز
ذکرِ معبود جہاں صبح و مسا ہوتا ہے
Chal nahi sakta wahan hamla-e-shaitaan hargiz
Zikr-e-mabood jahan subah o masa hota hai
باوضو پڑھتے رہو سورہ ’’فلق‘‘ اے لوگو!
جادو کیسا بھی ہو اِک پل میں ہوا ہوتا ہے
Bawazu parhte raho surah "Falaq" ae logo!
Jaadu kaisa bhi ho ik pal mein huwa hota hai
مصرع سچا ہے یہ مینائی کا تم بھی سن لو
’’ناخدا جن کا نہ ہو ان کا خدا ہوتا ہے‘‘
Misra sachcha hai yeh Mianai ka tum bhi sun lo
"Na khuda jin ka na ho un ka Khuda hota hai"
مالک کل کی رضا ہوتی ہے حاصل اس کو
سجدہ طاہرؔ جو عقیدت سے ادا ہوتا ہے
Maalik-e-kul ki raza hoti hai hasil is ko
Sajda Tahir jo aqeedat se ada hota hai
آگہی ہم کو یہ قرآں سے ملی ہے طاہرؔ
رب کے محبوب جو فرمائیں بجا ہوتا ہے
Aagahi hum ko yeh Quran se mili hai Tahir
Rab ke mehboob jo farmaein baja hota hai
Share This Naat
Share with friends and family
عالمِ کل پہ کرم رب کا سوا ہوتا ہے
طاہر سلطانی