آج بارش ہو رہی ہے چرخ سے انوار کی
سارے عالم میں خوشی ہے آمدِ سرکار کی
Aaj barish ho rahi hai charkh se anwar ki
Saare aalam mein khushi hai aamad-e-sarkar ki
ہو گیا ہر سو اجالا آ گئے بدرالدجیٰ
آمنہ کے گھر میں آئیں رحمتیں غفار کی
Ho gaya har su ujala aa gaye badr-ud-duja
Aamna ke ghar mein aai rahmatain gaffar ki
سج گئے بازار کوچے ہر طرف ہیں رونقیں
سب ہی نعتیں پڑھ رہے ہیں سیدِ ابرار کی
Saj gaye bazar koochay har taraf hain ranqain
Sab hi natein parh rahe hain syed-e-abrar ki
ہم گنہ گاروں، خطا کاروں کی بخشش ہو گئی
مل گئی سب کو شفاعت احمدِ مختار کی
Hum gunahgaaron, khata kaaron ki bakhshish ho gayi
Mil gayi sab ko shafaat Ahmed-e-Mukhtar ki
جگمگاتے ہیں ستارے چاند اور خورشید بھی
یہ ضیا ان کو ملی جو بھیک ہے سرکار کی
Jagmagate hain sitare chaand aur khursheed bhi
Yeh ziya unko mili jo bheek hai sarkar ki
جس کا ثانی ہی نہیں کونین میں مخلوق میں
ہم سے کیا توصیف ہو ایسے حسیں شہکار کی
Jis ka saani hi nahi konnen mein makhlooq mein
Hum se kya tauseef ho aise haseen shahkaar ki
نعت کہنے کی سعادت بھی تو ہے ان کی عطا
اور تو اوقات کیا ہے ناز اوگن ہار کی
Naat kehne ki saadat bhi to hai un ki ata
Aur to auqat kya hai naz aogan haar ki
Share This Naat
Share with friends and family
آج بارش ہو رہی ہے چرخ سے انوار کی
صفیہ ناز